कुपवाड शहरातील दलित वस्तीत पाणी, गटर, रस्ते व नागरी तात्काळ सुविधा द्या.राखीव निधीच्या गैरवापराचा आरोप,
वंचित बहुजन माथाडी ट्रान्सपोर्ट व जनरल कामगार युनियनची चौकशी समितीची मागणी.
विवेक वार्ता कुपवाड प्रतिनिधी : दि. १६
वंचित बहुजन माथाडी ट्रान्सपोर्ट व जनरल कामगार युनियन सांगलीच्या शिष्टमंडळाने आयुक्त सां.मि.कु.महानगरपालिका आयुक्त यांना, नागरी समस्यांबाबत लेखी निवेदन दिले.
या अनुषंगाने, आयुक्तांनी शुक्रवार दिनांक १९/०९/२०२५ रोजी सदरच्या भागातील नागरिकांच्या समस्याचे निराकरण करण्यासाठी, भागातील नागरिक व युनियनच्या शिष्टमंडळाबरोबर तातडीची बैठक आयोजित केली आहे.
यामध्ये राजारामबापू हौसिंग सोसायटी, लोकनायक हौसिंग सोसायटीत मोठ्या संख्येने, गोरगरीब श्रमिक कष्टकरी, कामगार - कर्मचारी कायमस्वरूपी वास्तव्यास आहेत .या नागरिकांना गेल्या २० वर्षांपासून पिण्याचे पाणी, गटारी, रस्ते, व स्वच्छतेच्या मूलभूत नागरी सुविधा मिळत नाहीत. यासंदर्भात अनेक वेळा महानगरपालिका अधिकाऱ्यांकडे तक्रारी करूनही दखल न घेतल्यामुळे, वंचित बहुजन आघाडी सांगली यांच्या वतीने संबंधित भागातील हजारो महिलांनी दिनांक २४ मे २०२५ रोजी "घागर मोर्चा" काढून प्रभाग समिती क्र ३ कुपवाड विभागीय सहाय्यक आयुक्तांना निवेदन दिले होते. मात्र आजतागायत नागरिकांच्या मूलभूत समस्यांचे निराकरण झालेले नाही.
याबाबत वंचित बहुजन माथाडी ट्रान्सपोर्ट व जनरल कामगार युनियन (सांगली) यांच्या वतीने मंगळवार दिनांक १६/०९/२०२५ रोजी महापालिका आयुक्त यांना सविस्तर कायदेशीर निवेदन देण्यात आले .
या निवेदनात नागरिकांना स्वच्छ पिण्याचे पाणी, गटारी व जलनिस्सारण व्यवस्था, पक्के रस्ते, लाईट तसेच स्वच्छतेच्या सुविधा तात्काळ पुरवाव्यात. परिसरात घनकचरा व्यवस्थापन व किटकनाशक फवारणी नियमित करावी.अशी मागणी करण्यात आली आहे.तसेच प्रभाग समिती क्र ३, कुपवाड शहर व इतर प्रभागात अनुसूचित जाती व अनुसूचित जमातीचा राखीव निधी सवर्ण वस्तीत खर्च केला आहे. या राखीव निधीचा गैर वापर, संबंधित महापालिका विभागीय शाखा अभियंता यांनी केला आहे. तरी अनुसूचित जाती-जमातींसाठी राखीव निधीचा गैरवापर थांबवून, राज्य स्तरीय वरिष्ठ पातळीवरील स्वतंत्र चौकशी समिती नेमावी अशी मागणीही करण्यात आली आहे.
सर्व मागण्यांची अंमलबजावणी ३० दिवसांत करून नागरिकांना कार्यवाही अहवाल द्यावा असे निवेदनात नमूद करण्यात आले आहे.अन्यथा तीव्र आंदोलन छेडण्याचा इशारा देण्यात आला.
यावेळी प्रशांत वाघमारे, प. महाराष्ट्र महासचिव , संजय भूपाल कांबळे, जिल्हा संपर्कप्रमुख, वंचित बहुजन माथाडी ट्रान्सपोर्ट व जनरल कामगार युनियन महाराष्ट्र सांगली, मोहन पोपट साबळे, उपाध्यक्ष, वंचित बहुजन आघाडी, सांगली-मिरज-कुपवाड महानगरपालिका क्षेत्र.जगदिश कांबळे, जिल्हा कार्याध्यक्ष यांच्या नेतृत्वाखाली निवेदन देण्यात आले . यावेळी भागातील नागरि सुविधा पासून वंचित महिला व नागरिक मोठ्या संख्येने उपस्थित होते.
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
